Sabon kwamishinan ayyuka na musamman a Jihar Kano, Hon Kabiru Muhammad ya bayyana cewa daukacin magoya bayan Malam Sagir Takai, tsohon dan takarar gwamnan Kano da dan takarar gwamnan Jihar Kano a APC, Dakta Nasiru Yusuf Gawuna babu wanda za su zaba a zaben shugaban kasa sai Asiwaju Bola Ahmed Tinubu na jamiyar APC.
 Ya kara da cewa Gawuna daTinubu su ne zabin masoya kuma mabiyan Takai a Jihar Kano.
- Cinikin Waje Na Kasar Sin Shi Ne Jigon Tattalin Arzikin Duniya
- Kashi 31 Na ‘Yan Nijeriya Ba Su Iya Karatu Da Rubutu Ba ― Gwamnatin Tarayya
Sabon kwamishinan ya bayyana hakan ne lokacin wata gajeruwar zantawa da ya yi da ‘yan jarida jim kadan da nada shi mukamin kwamishina a ranar Juma’a da ta gabata.
 Ya yaba wa gwamnan Jihar Kano, Dakta Abdullahi Umar Ganduje kan wannan nadi da aka yi wa daya daga cikin kungiyar magoya bayan Malam Salihu Sagir Takai a jamiyar APC, inda kuma ya ce shi a matsayinsa na dan karamar hukumar Tarauni su ma zabin su ke nan Gawuna da Tinubu tun da PDP rigima suke yi, kuma haka abin yake NNPP da sauran jam’iyyu a Kano.
