Wata matashiya mai suna Blessing, mai shekaru 34 a duniya ta hallaka kanta ta hanyar shan maganin kwari a garin Warri da ke Jihar Delta.
Sai dai har yanzu babu cikakken bayani game da dalilin da ya sa matashiyar ta kashe kanta.
- Dilallai Sun Yi Barazanar Daina Kai Tumatir Jihar Legas
- Peng Liyuan Ta Gana Da Babbar Jami’ar UNESCO
Amma wata kawar matashiyar mai suna Ejiro, ta bayyana cewar ta kashe kanta ne sakamakon matsananciyar damuwa da ta shiga.
A cewarta: “Ta sayo maganin kashe kwari ‘Sniper’ ta shanye ba tare da kowa ya sani ba, sannan ta rubuta takarda ta ajiye a kusa da ita, a cikin takardar ta bayyana cewar ta shiga damuwa. Babu wanda ya taimake ta daga ‘yan uwa da abokan arziki.”
Zuwa lokacin hada wannan rahoto dai ‘yan uwan matashiyar sun birne ta.
Amma babu wata sanarwa a hukumance da jami’an tsaro a jihar, kan faruwar lamarin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
