Wasu da ake kyuatata zaton matsafa ne, sun yi wa wata budurwa kisan-gilla ta hanyar sare mata kai tare da tafiya da shi a wani otel a Jihar Adamawa.
Kakakin rundunar ‘yansandan jihar, SP Suleiman Yahaya Ngoruje, ya bayyana haka ga manema labarai a Yola, ya ce rundunar ta tsare biyu daga ma’aikatan otel din.
- Kalubalen Gwamnonin Da Suka Samu Nasara A Kotun Koli
- Kalubalen Gwamnonin Da Suka Samu Nasara A Kotun Koli
Nguroji, ya ci gaba da cewa “Matsafan sun yi amfani da otel din ne wajen aikata mummunan aika-aikar kisan gillar da rundunar ‘yansanda ba ta kai ga tantance ko wace ce ita ba” in ji shi.
Ya ce rundunar ta kuma samu miyagun kwayoyi da wayar mamaciyar a otel din.
Saboda haka ya sha alwashin kamo duk wadanda ke da hannu wajen kisan gillar da aka yi wa budurwar, ya ce ma’aikatan otel da rundunar ta kame su ne Jacob, Yifarta Caleb da jami’in tsaron otel din Habibu Isah.
Rundunar ta ce mutanen da suka yi wa budurwar kisan giilar sun aikata ne ranar 18 ga watan Janairun 2024, da karfe 9:00 na dare.
Sun sare kan mamaciyar suka kuma tafi da kan, ya ce rundunar na ci gaba da bincike da yin duk mai yiwuwa don kamo wadanda suka aikata danyen aikin.
