Ma’aikatar lafiya ta jihar Kano ta karyata rahotannin barkewar wata sabuwar cuta a kauyen Gundutse da ke karamar hukumar Kura.
Jami’in yada labarai na ma’aikatar, Ibrahim Abdullahi, a wata tattaunawa ta wayar tarho da LEADERSHIP a jiya, ya ce mutane bakwai ne suka mutu a cikin al’ummar sakamakon tsananin zazzabin cizon sauro da taifod, ba wata sabuwar cuta ba kamar yadda jaridar (national daily) ta rahoto ba.
- Sharhi: Kokarin Fahimtar Yanayin Tattalin Arzikin Sin Ta Bangarorin Ayyuka Guda 3
- Gwamnatin Kano Ta Kaddamar Da Shirin Dashen Bishiyoyi Miliyan Uku
Ya bayyana cewa, bayanan da aka samu daga bincike da sa ido na masana (DSNR) a karamar hukumar sun nuna cewa, sananniyar cuta ce – zazzabin cizon sauro da taifod ce da ta bulla a cikin al’ummar a cikin watan Ramadan.
A halin da ake ciki, Abdullahi ya kara da cewa, gwamnati da sauran masu ruwa da tsaki sun dauki matakan shawo kan lamarin yayin da ake ci gaba da sa ido.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp