Gwamnatin Kano Ta Kaddamar Da Shirin Dashen Bishiyoyi Miliyan Uku

Gwamnan jihar Kano, Abba Kabir Yusuf, ya kaddamar da dashen bishiyoyi miliyan uku a fadin kananan hukumomin jihar 44 tare da hadin gwiwar kungiyar Agro-Climatic Resilience in Semi-Arid Landscapes (ACReSAL).

A yayin bikin kaddamar da shirin a ranar Lahadin da ta gabata, gwamnan ya dasa bishiya a kan titin ‘state road’ da ke kan hanyar zuwa gidan gwamnatin jihar.

• APC A Kano Ta Kori Shugabannin Jam’iyyar A Matakin Unguwa Da Suka Dakatar Da Ganduje 
• Babu Inda Mayaudara Da Mahassada Suka Taru Kamar Masana’antar Kannywood – Adam Zango

Gwamnan ya ce, za a dasa bishiyoyi a kan manyan titunan kananan hukumomin jihar, inda ya bukaci mazauna jihar da su fara dashen bishiyoyi a gidajensu da tituna da sauran wurare.

“Za a raba irin shuka miliyan uku a dukkan kananan hukumomin jihar 44. Za a dasa kusan iri miliyan 1.2 a manyan tituna a cikin manyan biranen jihar.” in ji gwamnan.

Shima da yake nasa jawabin, kodinetan ayyukan kungiyar, Dr. Dahir Muhammad Hashim ya ce, an kaddamar da aikin ne domin magance matsalar sauyin yanayi, wanda ya jefa jihar cikin matsanancin zafi a kwanakin baya.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”