A karo na hudu kenan wasu ‘yan gida daya su tara da ke yankin Nagazi a cikin karamar hukumar Adavi a Jihar Kogi sun mutu bagatatan.
Lamarin ya afku ne bayan wasu ‘yan gida daya da ke karamar hukumar Mopa-Muro a cikin jihar su ma suka mutu.
- Gwamnatin Tarayya Za Ta Dauki ‘Yan Sintiri Aikin Gadin Layukan Dogo
- Wasu Al’ummomi A Jihar Taraba Sun Koka Kan Rashin Wutar Lantarki Na Sama Da Wata 6
An ruwaito cewa, lamarin na yankin Nagazi ya auku ne jiya Litinin da maraice, inda ‘yan gida dayan su tara suka mutu nan take kafin a kai su Asibiti.
Wata majiya ta ce, hudu daga cikinsu, sun mutu a wani asibiti da ke a yakin wanda ba a bayyana sunansa ba.
Har ila yau, wata majiya ta kusa da ‘yan gida dayan ta ce, jami’an tsaro sun cafke mahaifin mamatan, inda kuma matarsa ake ci gaba da duba lafiyarta a asibiti.
A cewar majiyar, har yanzu ba a tabbatar da musabbabin mutuwarsu ba, ganin cewa, ana zargin an yi zuba musu guba a abinci ne.
An yi kokarin jin ta bakin kakakin rundunar ‘yansandan jihar, William Ovye Aya, amma hakan ya ci tura.
In za a iya tunawa, a cikin watan Agustan 2022 mutane da ke a yankin Usugnwe-Okaito a cikin karamar hukumar Okehi su biyar suka mutu bayan sun ci Amala da aka sarrafa da rogo.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
