Rundunar sojin saman Nijeriya ta yi nasarar kashe ‘yan bindiga 29 a wani samame da ta kai a karamar hukumar Bakori a Jihar Katsina.
Nasarar na zuwa ne bayan harin da ‘yan bindiga suka kai a baya-bayan nan a karamar hukumar Kankara a ranar Lahadi, 9 ga watan Yuni, 2024.
- ‘Yansanda Sun Kashe ‘Yan Bindiga 8, Sun Ceto Mutane 87 A Katsina
- Mun Fara Aiki Da ‘Yan Bori – Hukumar Tace – Fina-finai
Babban sakataren yada labaran gwamna Umaru Radda na Jihar Katsina, Ibrahim Kaula, ya bayyana cewa harin da aka kai ta sama a kusa da tsaunin Bakori da Yartsintsiya, a karamar hukumar Kankara ya yi sanadiyar mutuwar wasu ‘yan bindiga 29.
Ya ce, “A cewar rahotanni, harin da aka kai ta sama ya yi sanadin mutuwar ‘yan bindiga takwas, inda 21 daga cikinsu suka samu raunuka.
“Daga cikin wadanda aka kubutar har da ‘yar Hakimin kauyen Ruwan Godiya, wadda aka yi garkuwa da ita tsawon watanni,” in ji Kaula.
Ya kara da cewa NAF za ta ci gaba da hadin gwiwa da sojojin kasa da hukumomin leken asiri don gano tare da kawar da masu aikata laifuka a yankin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
