NDLEA Ta Cafke Ƙwayar Tramadol Miliyan 13 Boye Cikin Wani Gida A Legas

Hukumar NDLEA da ke yaƙi da sha da fataucin miyagun ƙwayoyi a Nijeriya ta kai samame wani gida a Unguwar Lekki Jihar Legas inda ta bankado boyayyun miyagun ƙwayoyi.

Mai magana da yawun hukumar, Femi Babafemi, ne ya bayyana haka a shafinsa na Twitter, ya ce an gano ƙwayoyin Tramadol guda miliyan 13 masu nauyin miligram 225 a gidan .

• Yaki Da Miyagun Kwayoyi: Za A Saya Wa NDLEA Motoci Masu Sulke
• NDLEA Ta Kama Kwalaben Kayan Maye Da Akuskura A Jihar Kano

Femi ya ce gidan babu wani mutum da ke zaune a ciki, sai waɗannan ƙwayoyi da aka ajiye a ciki wanda tuni NDLEA ta kama wanda ake zargi da ajiye ƙwayoyin.