Wani matashi mai suna, Abubakar Abubaka,r ya harbe kaninsa mai suna Yusuf Abubakar dan shekara 12 har lahira a lokacin da yake gwada karfin harbin bindiga a karamar hukumar Kaiama da ke jihar Kwara.
Wanda aka kashe da kuma wanda ya aikata harbi ’yan’uwa ne ga wani mafarauci mai suna Abubakar Abubakar, a unguwar Dutse Gogo, kusa da Kaiama.
- Ruwa Ya Ci Rai 7 Da Tilasta Wa Mutum 2,800 Yin Kaura Daga Muhallinsu A Jihar Kwara
- ‘Yansanda Sun Kashe ‘Yan Bindiga 2, Sun Ceto Uwa Da Danta A Kwara
Kakakin Rundunar ’Yan sandan Jihar Kwara, Okasanmi Ajayi, ya tabbatar da faruwar lamarin a ranar Litinin, ya ce lamarin ya faru ne a ranar Lahadi, 2 ga Oktoba, 2022.
Ya kara da cewa: “da misalin karfe 10 na daren na ranar Lahadi 2/10/2022, mun samu rahoto a ofishin ‘yan sanda na Kaiama game da kisan wani Yusuf Abubakar mai shekaru 12, da babban yayansa ya harbe shi yayin da yake gwajin ingancin sabbin laya na kariya daga harbin bindiga.
“An fara bincike kan lamarin kamar yadda kwamishinan ‘yan sandan jihar Kwara, CP Paul Odama ya umarta.”
Ajayi ya bukaci iyaye da masu kula da su da su sanya ido a kan ayyukan ‘ya’yansu da unguwanni, su guji yin wasu abubuwa marasa dadi a gaban ‘ya’yansu da unguwanni domin gujewa faruwar haka.
