A ranar Litinin data gabata ne, Babban Shugaba kuma Manajin Darakta na Hukumar Tashoshin Jiragen Ruwan Nijeriya (NPA) Dakta Abubakar Dantsoho ya karbi bakuncin Shugaban Kamfanin Sarrafa Iskar Gas samfarin NLNG na kasa Dakta Phillip Mshelbila.
Dantsoho ya karbi bakuncinsa ne, a shalkwatar Hukumar da ke a jihar Legas, inda ziyarar aikin ta Dakta Phillip ta kasance, na daga cikin matakan da ake dauka na yin hadakar gudanar da kara habaka fitar da kaya zuwa kasar waje.
- Gwamnatin Tarayya Ta Gargaɗi Jama’a Kan Ajiye Abubuwa Masu Fashewa Don Haƙar Ma’adanai Ba Bisa ƙa’ida Ba
- Shugabannin Kasashen Duniya Sun Yi Wa Sin Fatan Alheri A Sabuwar Shekara
A jawabinsa tun da farko a lokacin ziyarar Dakta Mshelbila ya bayyana jin dadinsa a kan ci gaba da goyon bayan da Hukumar ke bai wa Kamfanin na Sarrafa Iskar Gas samfarin LNG.
Dakta Phillip ya kuma bukaci goyon bayan Hukumar ta NPA musamman domin a kara hada hannu da Kamfanin na LNG domin Hukumar ta NPA ta yi amfani da damar kara bunkasa samar da iskar Gas, da kuma kara samar da iskar Gas din mai yawa, duba da bukatar da ake da ita a kasuwar duniya.
A na sa martanin Dakta. Dantsoho ya bayyana cewa, duba da nauyin da Ministan Ma’aikatar Bunkasa Tattalin Arzikin Kasa na Teku Alh. Adegboyega Oyetola, ya dorawa Hukumar ta NPA, na ta kara habaka fitar da kayan kasar nan zuwa kasar waje, Dantsoho ya bai wa Shugaban Kamfanin tabbacin cewa, Hukumar za ta yi dukkan mai yuwa, domin marawa Kamfanin baya.
“Kamafanin na LNG na kasa, na bayar da gagarumar gudunmawa wajen bunkasa tattalin azrikin Nijeriya da kuma kara bayar da goyon baya wajen ganin ana fitar da kaya zuwa ketare, kuma zamu tabbatar da cewa, an kara karfafa hadaka a tsakanin Hukumar da Kamfanin.” Inji Dantsoho.
“Rarar da Nijeriya ta samu na hada-hada ta kai ta Naira tiriliyan 5.81 wacce ta yi daidai da dala biliyan 3.7, a zango na uku hudu a 2024.” Kamar yadda rukunonin taron bunkasa tattalin arziki na Nijeriya NESGya ruwaito.
Rahoton ya sanar da cewa, an samu wannan nasarar ce, biyo bayan amfanin da Tashoshin Hukumar Jiragen Ruwa ta Kasa NPA.
