Shugaban Hukumar Kula da Tashoshin Jiragen Ruwa ta Kasa NPA, Dakta Abubakar Dantsoho, ya sanar da cewa, babban aikin Tashohin Apapa da ta Tin Can Island, da aka tasara za a fara yi a zangon karshe na shekarar 2025, yanzu an matsar da aikin, zuwa zangon farko na shekarar 2026.
Dantsoho ya bayyana haka ne, a babban taro na duniya na kungiyar sufurin Jiragen Ruwa na IAPH, da ya gudana a yankin Kobe da ke a kasar Japan., inda ya sanar da cewa, ana sa ran za a kammala aikin ne, a cikin watanni 48.
- Majalisa Ta Amince Da Ɗaurin Shekaru 14 A Gidan Yari Ga Malamai Masu Cin Zarafin Mata A Jami’o’i
- Sin Ta Kaddamar Da Kwas Din Horon Fasahar Gwaje-Gwaje A Cibiyar CDC Ta Afrika
Shugaban wanda kuma shi ne, Mataimakin Shugaban kungiyar IAPH, ya bayyana cewa, tuni an gudanar da gwaje-gwajen da suka kamata domin fara gudanar da aikin a zangon farko na shekarar 2026.
A cewarsa, Gwamnatin tarayya ta himmatu, wajen kara habaka kayan da aikin NPA, musamman domin ta kai matsayin irin na fadin duniya, wanda hakan zai kuma kara janyo hankalin, masu son zuba hannun jari a fannin.
Dantosho ya kara da cewa, fannin tattalin arzikin kasar a shiye yake ga masu son zuba hannun jari a fannin duba da cewa Shugaba masu zuba hannun jari, na ci gaba da yabawa shugaba Bola Tinubu kan sauye-sauyen da gwamnatinsa ta kirkiro da su.
