NUJ Ta Yi Kira Ga Jami’an Tsaro Da Su Gaggauta Zakulo Wadanda Suka Yi Wa Danjarida Kisan Gilla A Zamfara

Kungiyar ‘yan jarida ta Kasa ta bayyana kisan gillar da aka yi wa wakilin gidan rediyon Muryar Nijeriya, Hamisu Danjibga a gidansa da ke Gusau abun takaici ne, kuma tayi kira ga Jami’an tsaro da su gaggauta zakulo wadanda suka yi kisan domin a hukunta su.

Kungiyar ta yi kira ga hukumomin tsaro a jihar da su binciki lamarin tare da gurfanar da wadanda suka aikata wannan aika-aika a gaban kuliya.

• Hukuncin Kotu: Gwamna Yusuf Ya Sha Alwashin Maido Da Kujerarsa

Hakan na kunshe ne a wata sanarwa da ta fito daga sakataren kungiyar na jihar, Ibrahim Ahmad Gada da yammacin Laraba a Gusau.

“Marigayi Hamisu Danjibga dan jarida ne, wakilin Muryar Nijeriya (VON) wanda aka tsinci gawarsa a cikin masai a bayan gidansa bayan kwana uku da batar shi”.

Kungiyar na mika ta’aziyya ga iyalai, da Muryar Nijeriya da daukacin al’ummar jihar Zamfara.