Jam’iyyar PDP ta nada tsohon shugaban majalisar wakilai Yakubu Dogara a matsayin mamba a cikin kwamtin yankin neman zaben shugaban kasa na jam’iyyar PDP.
Hakan na kunshe ne a cikin sanarwar da gwamnan jihar Sokoto Aminu Tambuwal ya fitar.
Tambuwal wanda shine daraktan yakin neman zaben PDP ya ce, nadin na Yakubu ya fara aiki nan take.
Sanarwarta ce, nadin na Yakubu, na daga cikin ci gaba da hada hannu a waje daya domin ganin dan takarar shugaban kasa a jam’iyyar PDP, Atiku Abubakar ya lashe zaben shugaban kasa a 2023.
Dogara, a baya ya kasance dan jam’iyyar APC ne, ya kuma fice daga jam’iyyar ne sabida adawa da tsarin da APC ta dauka na zabar dan takarar shugaban kasa da Mataimakin sa duka Musulmai.
