Peng Liyuan Da Uwargidan Shugaban Poland Sun Ziyarci Cibiyar Gabatar Da Wasannin Fasahohi Ta Sin

Uwargidan shugaban kasar Sin Peng Liyuan da uwargidan shugaban kasar Poland Agata Kornhauser Duda, sun ziyarci cibiyar gabatar da wasannin fasahohi (NCPA) dake birnin Beijing.

A cewar Peng Liyuan, Sin da Poland na da daddaden tarihi da al’adun gargajiya masu zurfi, kuma musayar al’adu da mu’amalar jama’a tsakaninsu na kara kyautatuwa a shekarun baya bayan nan. Ta kara da cewa, da ingantuwar musayar al’adu, fahimtar juna da abota tsakanin al’ummomin kasashen biyu za su kara zurfi.

A nata bangare, Agata Kornhauser Duda wadda ta rako mijinta a ziyarar aiki da yake a kasar Sin, ta ce tana sa ran ganin karin musaya da hadin gwiwa tsakanin kasashen biyu da ingantuwar abota tsakanin jama’arsu. (Mai fassara: Fa’iza Mustapha)