Peter Obi Zai Iya Zama Shugaban Kasa A 2027 Ko 2031, Amma 2023 ‘Ta Yi Wuri Da Yawa’ – Babangida Aliyu

Tsohon gwamnan jihar Neja, Babangida Aliyu ya bayyana cewa zai yi wuya ‘yan Nijeriya su zabi Peter Obi a matsayin shugaban kasa a 2023.

Ya bayyana hakan ne a shirin Gidan Talabijin na Channels Television.

• Kwankwaso Ba Zai Yi Wa Peter Obi Takarar Mataimaki Ba — NNPP

Aliyu ya kuma bayyana cewa mutane da dama a jam’iyyar PDP sun so Obi ya zama mataimakin shugaban kasa ga Atiku Abubakar.

“Peter Obi abokina ne kuma tsohon mamba ne a dandalin tsofaffin gwamnoni Wanda na jagoranta,” in ji Aliyu.

“Mutum ne mai basira. Fitowa takararsa ta neman Shugaban kasa, – Ina ganin a yanzu zai yi shuhura ne Kawai. Amma zai iya zama shugaban kasa nan da shekarar 2027 ko 2031. Amma 2023, ta yi mai kusa sosai.

“Na so da ya zama a matsayin mataimakin shugaban kasa. Da yawa daga cikinmu mun yi ta zaburar da shi ya sake zama mataimakin Atiku.”