Tsohon ɗan wasan Manchester United da Juventus, Paul Pogba, na ƙoƙarin komawa buga wasa bayan dakatarwar da aka masa bisa zargin amfani da ƙwayoyin ƙara kuzari.
Pogba, ɗan shekaru 32 daga ƙasar Faransa, yana tattaunawa da ƙungiyar Monaco da ke gasar Ligue 1 domin cimma matsaya kan kwantiragin shekaru biyu.
- Gwamnatin Tarayya Ta Himmatu Wajen Inganta Karfin Sashen Fetur Da Gas Na Cikin Gida
- Sin Ta Bayyana Adawa Da Keta Hurumin ‘Yanci Tsaro Da Ikon Mulkin Yankunan Iran
Rahotanni sun nuna cewa ana sa ran yarjejeniyar za ta tabbata cikin ‘yan kwanaki masu zuwa.
Tun bayan dakatar da shi a wasan da Juventus ta fafata da Udinese a kakar 2023-24, Pogba ya daina buga wasa.
An fara dakatar da shi na shekaru huɗu, amma daga baya an rage wa’adin zuwa watanni 18 a watan Oktoba bayan ya ɗaukaka k5ara.
Bayan hakan, Pogba ya kunce kwantiraginsa da Juventus a watan Nuwamban 2024, kuma tun watan Maris da ya gabata ya samu damar komawa fili domin shirya dawowarsa.
Yanzu haka yana ci gaba da atisaye tare da fatan ƙulla sabuwar yarjejeniya da Monaco domin ci gaba da taka leda a ƙasarsa ta haihuwa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
