PSG Ta Doke Barcelona Har Gida A Gasar Zakarun Turai

Ƙungiyar ƙwallon ƙafa ta PSG, ta doke Barcelona a wasan mako na 2 na gasar Zakarun Turai a wasan da suka buga a filin wasa na Luis Companys.

Ferran Torres ne ya fara jefa ƙwallon a ragar PSG a minti na 19 da fara wasan, amma gab da tafiya hutun rabin lokaci Senny Mayulu ya farkewa baƙin ƙwallonsu, yayin da Goncalo Ramos ya ci ƙwallon ƙarshe kuma wacce ta bai wa PSG nasara a mintin ƙarshe na wasan.

• Sojoji Sun Kashe Mayaƙan ISWAP, Sun Kama Wasu Da Miyagun Ƙwayoyi
• Li Qiang Ya Mika Sakon Taya Murna Ga Sabon Firaministan Algeria

Da wannan nasarar da PSG ta samu ya sa ta koma matsayi na 3 a teburin gasar Zakarun Turai yayin da Barcelona ta koma matsayi na 16 bayan ta haɗa maki uku a wasanni 2 da ta buga.

PSG za ta ziyarci Bayern Leverkusen a wasan mako na 3 a ranar 21 ga watan Oktoba, yayin da Barcelona za ta karɓi baƙuncin Olympiacos ta ƙasar Girka a wasanta na gaba.