Sakamakon tasirin da ya daɗe yana yi a fannin waƙa a Nijeriya da ƙasashen waje. Shahararriyar waƙarsa “Shake Body”, wacce ta kai ga samun miliyoyin masu sauraro a Spotify da kuma ƙwarewarsa a fannin fasahar haɗa al’umma daban-daban. SKALES ne Gwarzon Mawaƙin Shekarar 2025.
Skales ɗaya ne daga cikin manyan mawaƙa a tarihin mawaƙan Nijerriya. Wannan mawaƙi mai shekaru 34, wanda ya gano baiwarsa tun yana zaune a Kaduna, yanzu sunansa ya karaɗe Nijerriya, bayan kasancewarsa cikin babban kamfanin waƙa kafin ya ƙafa nasa kamfanin.
- Digirin Bogi Aka Bai Wa Mawaƙi Rarara A Nijeriya – Jami’ar EAU
- Ba Zan Kwatanta Matsayina Da Na Sarkin Bauchi Ba – Sabon Sarkin Duguri
Shaharariyar waƙarsa “Shake Body”, da aka saki a 2014, ta sake yin fice a 2025 bayan ɗan wasan ƙwallon Barcelona Lamine Yamal ya yi rawa a kanta a yanar gizo. Wannan bidiyo ya sa waƙar mai shekaru goma ta shiga Spotify’s Global Ɓiral Songs Chart kuma ya jawo sabuwar kulawar duniya ga mawaƙin.
An haifi Raoul John Njeng-Njeng a ranar 1 ga Afrilu, 1991, kuma mahaifiyarsa guda ɗaya ce ta raine shi. Sha’awarsa ga kiɗa ya sa ya fara rubuta waƙoƙin rap a shekarar 2000 yayin da yake zaune a Kaduna.
Tsakanin 2007 zuwa 2008, ya yi aiki tare da manyan mawaƙa Jesse Jagz da Jeremiah Gyang ko da yake yana ɗalibi a Jami’ar Jos.
A shekarar 2008, Skales ya shiga gasar Zain Tru Search kuma ya lashe yankin ArewaTsakiya na gasar. A lokacin, ya riga ya saki waƙarsa ta farko “Must Shine”, wacce ta samu yawan fitowa a tashoshin Rhythm FM a Lagos, Jos, da Abuja.
Ana tuna shi da burinsa na zama babban mawaƙi da sha’awar ilimi, ya ɗauki sunan mataki SKALES, wanda ke nufin “Seek Knowledge, Acƙuire Large Entrepreneurial Skills”. Daga baya ya koma Lagos, inda ya sanya hannu kan yarjejeniyar rikodi da Empire Mates Entertainment (E.M.E.) a shekarar 2009.
Waƙarsa ta shekarar 2009 “Heading for a Grammy”, wadda take waƙar ƙarfafa kai, ta samu wahayi ne daga ƙalubalen rayuwarsa a wancan lokaci.
Skales yana ɗaya daga cikin manyan mawaƙan da suka fito a kundin taron waƙoƙi na farko na E.M.E. mai suna “Empire Mates State of Mind” a shekarar 2012. Ya haɗa kai da Banky W., Wizkid, Shaydee, Niyola, da DJ Ɗclusiɓe a kan guda biyar daga cikin waƙoƙin kundin waƙoƙin guda bakwai.
Wasu daga cikin shahararrun waƙoƙinsa sun haɗa da “Shake Body”, “Mukulu”, “Keresimesi”, “Komole”, “My Baby”, “Take Care of Me”, da “Denge Pose”. Bayan koyon sirrin aikin kiɗa mai canzawa a ƙarƙashin E.M.E., Skales ya bar kamfanin a watan Mayu 2014 domin ƙafa OHK Music, kamfanin rikodinsa na kansa.
Kundin waƙoƙinsa na farko a studio, “Man of the Year”, an sake shi a shekarar 2015. Waƙar da Jay Pizzle ya samar “Shake Body”, da aka saki a ranar 6 ga Mayu, 2014, ita ce ta jagoranci kundin waƙoƙin.
A watan Afrilu 2025, Skales ya kai wani matakin nasara a aikinsa, inda ya samu fiye da masu sauraro miliyan ɗaya a kowane wata a Spotify, daga baya adadin ya haura zuwa miliyoyin biyu a kowane wata.
Wannan tauraron kiɗa ya kuma yi wasan kwaikwayo a Barcelona bayan ƙungiyar ta lashe Copa del Rey kan Real Madrid.
Mawaƙin rap, mai rera waƙa kuma marubucin waƙoƙin Nijerriya, Skales, lalle ya cancanci zama Gwarzon Mawaƙi Na Shekara 2025 a mujallar LEADERSHIP
