Rage Radadin Cire Tallafi: Gwamnati Ta Baiwa  Kowacce Jiha Naira Biliyan Biyu A Kashin Farko

Gwamnatin tarayya ta baiwa ko wacce jiha Naira biliyan biyu ciki har da Abuja daga cikin Naira biliyan biyar na tallafi da gwamnatin ta sanar a kwanan baya za ta baiwa Gwamnoni domin rage radadin cire tallafin mai.

Ministan kudi da tattalin arzikin kasa, Wale Edun ne ya shaida wa manema labarai hakan a Abuja.

• Atiku Ga Tinubu: Fada Wa ‘Yan Nijeriya Yadda Ka Samu Digiri Ba Tare Da Firamare Da Sakandare Ba

Edun ya ce, wadannan kudaden, ba sa daga cikin kudin da gwamnatin ke son karbo wa rance na dala miliyan 800 daga Bankin duniya domin rage radadin cire tallafin man.

A cewarsa, gwamnatin ba ta son fitar da kudaden tallafin a lokaci daya, inda hakan ya sa ta dakatar da tura sauran Naira biliyan Ukun don kauce wa kara hauhawar farashin kayan masarufi.