A karo na farko a wannan kakar wasanni ta bana kungiyar kwallon kafa ta Real Madrid ta yi rashin nasara sau biyu a jere a filin wasanta na Santiago Bernebeau da ke Madrid.
Real Madrid wadda ta ke rike da kambun zakarun Turai ta sha kashi a hannun abokiyar karawarta Ac Milan ta kasar Italiya da ci 3-1.
Kafin yanzu, babbar abokiyar hammayyar Real Madrid, Fc Barcelona ta lallasa Real din da ci 4-0 duk dai a kayataccen filin wasan wanda shi kadai ne filin da idan aka ga dama za a iya rufin filin a kasar Sifaniya, hakan yasa magoya bayan Real Madrid su ka fara tambaya wai me ke faruwa a Santiago?
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
