Sabon Kwanturolan NIS Na Jihar Legas Ya Karɓi Ragama

Sabon Kwanturolan Hukumar Shige da Fice ta Ƙasa (NIS) reshen Jihar Legas, CIS Bala Dangana ya karɓi ragama tare da fara aiki nan take a ranar Alhamis 6 ga Yulin 2023.

Manya da ƙananan jami’ai na reshen jihar ne suka yi kwamba domin yi wa sabon Kwanturolan lale marhabin a Babban Ofishin NIS na Jihar Legas.

CIS Bala Dangana wanda ya kaɓi ragama daga CIS Mani Bagiwa, ana sa rai zai yi cikakken amfani da basira da ƙwazonsa wajen magance matsaloli da tsaikon da masu neman fasfo ke fuskanta a wannan shiyyar.

• Tirka-tirkar Daliba Ejikeme Mmesoma: Masani Ya Tona Asirin Yadda Ake Sauya Sakamakon JAMB Na Bogi

Kafin karɓar gamar Legas dai, CIS Bala Dangana, ya yi aiki a matsayin Babban Jami’in Fasfo na Fatakwal da ke Jihar Ribas. Haka nan ya taɓa zama Shugaban Sashen Tabbatar da Ingancin Aiki a Shalkwatar NIS da ke Abuja.