Sabon Shugaban NLC Ya Yi Barazanar Tsunduma Yajin Aiki Kan Karancin Man Fetur Da Sauyin Kudi

Babban sakataren kungiyar ma’aikatan wutar lantarki ta kasa (NUEE), Kwamared Joseph Ajaero, ya zama sabon shugaban kungiyar kwadago ta kasa NLC.

Kwamared Ajaero an tabbatar dashi ne a matsayin shugaban kungiyar a karshen taron majalisar wakilai ta kungiyar karo na 13 da aka yi a Abuja a ranar Laraba.

A jawabinsa na karbar shugabancin NLC, ya sha alwashin fitowa zanga-zanga tare da ‘ya’yan kungiyar a kan matsalar karancin kudin Naira idan gwamnati ta gaza yi wa ‘yan kasa cikakken bayani kan magance matsalar nan da karshen mako mai zuwa.