Sauyin Kudi: Gwamnati Ta Bukaci Kotu Ta Kori Karar Da Kaduna, Kogi Da Zamfara Suka Shigar

Gwamnatin tarayya ta bukaci kotun kolin Nijeriya da ta yi watsi da karar da gwamnatocin jihohi uku suka shigar na kalubalantar kudirinta na ranar daina amfani da tsoffin tsabar kudin Naira a kasar.

A kwanakin baya ne dai gwamnatocin jihohin Kaduna, Kogi da Zamfara suka garzaya kotun koli, inda suka bukaci ta dakatar da manufofin gwamnatin tarayya kan ranar daina amfani da tsoffin kudin Naira 200 da 500 da 1000.

• Sabon Shugaban NLC Ya Yi Barazanar Tsunduma Yajin Aiki Kan Karancin Man Fetur Da Sauyin Kudi

A cewar jihohi ukun,  tsarin ya jefa ‘yan kasa cikin wani hali mawuyaci da basu taba gani ba.

A ranar Laraba ne kotun koli ta bayar da umarnin dakatar da wa’adin ranar 10 ga watan Fabrairu da za a daina amfani da tsoffin takardun kudin inda ta dage shari’ar zuwa ranar 15 ga Fabrairu, 2023.

Amma, Babban Lauyan Tarayya (AGF), Abubakar Malami, SAN, a madadin Gwamnatin Tarayya ya shigar da karar farko na kalubalantar karar, inda ya yi kira ga Kotun Koli da ta yi watsi da karar da gwamnonin suka shigar.

AGF, ta bakin lauyansa, Mista Mahmoud Magaji, SAN, ya bayyana karar a matsayin cin zarafin kotu.

Sulaiman

+ postsBio

• Sulaiman

  Muhallin Halittu Da Aka Yi Gado A Kasar Sin Sun Samu Ci Gaba Ta Fuskar Ba Su Kariya
• Sulaiman

  Sake Jan Damarar Soja Da Japan Ke Yi Karin Alama Ce Mai Hadari
• Sulaiman

  Shugaban Majalisar Bayar Da Shawara Kan Harkokin Siyasa Ta Kasar Sin Ya Yi Kira Da A Raya Dangantakar Gabobi Biyu Na Mashigin Tekun Taiwan Cikin Lumana
• Sulaiman

  Sin Ta Zama Abin Koyi Na Sauyi Da Ci Gaba Ga Kasashe Da Dama, In Ji Shalva Papuashvili