Shugaba Buhari Ya Gana Da Sarki Charles III Na Birtaniya A Landon

A yau ranar Laraba ne shugaban kasa Muhammadu Buhari ya gana da mai martaba sarki Charles III a fadar Buckingham dake kasar Ingila.

In bamu manta ba, shugaba Buhari ya tafi Burtaniya hutun makwanni biyu ne sabida duba lafiyarsa a kasar.

• Masu Kudaden Haram Za Su Fuskanci Kalubale Da Sauya Fasalin Kudi —Buhari

Wannan dai shi ne karon farko da shugaban ya gana da sabon sarkin na Burtaniya kasancewar bai halarci bikin nadin sarautarsa ba da akayi a watan Oktoba.

LEADERSHIP ta ruwaito cewa mataimakin shugaban kasa Yemi Osinbajo ne ya wakilci shugaba Buhari a wajen taron.