Shugabancin APC: Sanata Kyari Ya Ziyarci Ganduje A Gidansa Da Ke Abuja

Mai Girma Tsohon Gwamnan Jihar Kano Dakta Abdullahi Umar Ganduje ya karbi bakuncin Mukaddashin Shugaban Jam’iyyar APC na kasa Sanata Abubakar Kyari a gidansa da ke Abuja.

Sanata Kyari, wanda ya bayyana goyon bayansa ga Dakta Abdullahi Umar Ganduje, ya ce babu wanda ya cancanci mukamin shugaban jam’iyyar APC na kasa sama da Ganduje.

• Shugaba Tinubu Zai Gabatar Da Jawabi Ga ‘Yan Nijeriya Yau Litinin

Sanata Kyari ya taya Dakta Abdullahi Umar Ganduje murna, inda ya yi addu’ar Allah ya taya shi riko.

Mataimakin sakataren kudi na jam’iyyar APC na kasa, Hon. Dattuwa Ali Kumo, yana daga cikin wadanda suka ziyarci Ganduje.