Shugabannin Kasashen Waje Za Su Halarci CIIE Karo Na 7

Kakakin ma’aikatar harkokin wajen kasar Sin Mao Ning ta sanar yau Lahadi cewa, bisa gayyatar da firaministan kasar Sin Li Qiang ya yi musu, shugabannin kasashen waje da suka hada da firaministan Malaysia Anwar Ibrahim, da firaministan Uzbekistan Abdulla Aripov, da firaministan Slovak Robert Fico, da firaministan Kazakhstan Olzhas Bektenov, da firaministan Mongolia Luvsannamsrai Oyun-Erdene, da kuma firaministan Serbia Milos Vucevic, za su halarci bikin baje kolin kasa da kasa na kayayyakin da ake shigowa da su kasar Sin CIIE karo na 7, da kuma tarurruka masu nasaba.

Bikin na CIIE karo na 7 za a gudanar da shi ne a birnin Shanghai da ke gabashin kasar Sin daga ranar 5 zuwa 10 ga watan Nuwamba.(Yahaya)