Mai magana da yawun ma’aikatar harkokin wajen kasar Sin Wang Wenbin, ya ce Sin na matukar adawa da yadda Amurka ke sukar lamirin dokar tsaron kasa ta yankin musamman na HK, da yadda take tsoma baki a batun dokokin yankin.
Wang Wenbin ya bayyana matsayar kasar ta Sin ne a Litinin din nan, yayin da yake mayar da martani ga kalaman sakataren wajen Amurka Antony Blinken, don gane da yankin na HK.
Game da matsayar ma’aikatar wajen Amurka, ta amincewa da sayarwa yankin Taiwan na kasar Sin makamai kuwa, Wang Wenbin ya ce Sin na matukar bayyana bacin rai game da hakan, kuma tana adawa da matakin, kana za ta gabatar da korafin ta ga tsagin na Amurka. Kaza lika Sin za ta aiwatar da matakan maida martani, kan kamfanonin dake da hannu cikin batun sayarwa yankin na Taiwan makamai. (Mai fassara: Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
