Wakilin dindindin na kasar Sin a MDD Zhang Jun, ya bayyana matukar takaicin kasar sa, game da yadda Amurka ta hau kujerar na ki, dangane da kudirin tsagaita wuta bisa yanayin jin kai a Gaza, wanda aka gabatar ga kwamitin tsaron MDD.
Kudurin, wanda hadaddiyar daular Larabawa ta mika daftarinsa ga zaman kwamitin tsaron MDD a jiya Juma’a, da goyon bayan kasashe sama da 100, ya samu amincewar kasashe 13 cikin mambobin kwamitin su 15, inda kuma Birtaniya ta kauracewa bayyana matsaya kan sa.
- NPA Ta Bayyana Dalilan Dawo Da Kwangilar Kamfanin INTELS
- Tsaro: Yadda Sojoji Ke Rakiyar Matafiya Tsakanin Gusau Zuwa Dansadau
Game da hakan, Zhang Jun ya ce tashin hankalin dake gudana a Gaza, na haddasa mummunan yanayi na asarar rayuka da barnata dukiyoyi, kuma amincewa da wanzuwar halin da ake ciki, ya sabawa ikirarin kiyaye yanayin jin kai na al’ummar Gaza. Ya ce munafurci ne a rika maganar kare rayukan mata da kananan yara, a hannu guda kuma ana goyon bayan ci gaba da yaki.
Daga nan sai Zhang ya bayyana cewa, Sin na kira ga Isra’ila da ta saurari kiraye-kirayen sassan kasa da kasa, ta dakatar da kisan kan-mai-uwa-da-wabi da take yi kan al’ummar Gaza. (Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
