Sin Ta Bukaci Japan Da Ta Dakatar Da Mummunar Shawarar Da Ta Yanke Ta Zubar Da Ruwan Dagwalon Nukiliya Cikin Teku

Kasar Sin ta bukaci Japan da ta janye mummunar shawarar da ta yanke ta zubar da ruwan dagwalon nukiliya a cikin teku.

Mai magana da yawun ma’aikatar harkokin wajen kasar Sin Wang Wenbin ya bayyana a yayin taron manema labarai na yau da kullum Talatar nan cewa, Japan ba ta tuntubi ragowar kasashen duniya ba, musamman masu ruwa da tsaki kan shirinta na zubar da ruwan dagwalon nukiliya a cikin teku.

• Ma’aikatar Harkokin Wajen Sin Ta Kalubalanci Japan Da Ta Dakatar Da Shirin Zubar Da Ruwan Dagwalon Nukiliya Cikin Teku

A ranar 24 ga watan Agusta ne dai Japan za ta fara zubar da gurbataccen ruwan da aka adana a tashar makamashin nukiliya ta Fukushima Daiichi zuwa cikin tekun, kamar yadda Firaministan Japan Fumio Kishida ya sanar a yau.

Wang ya bayyana cewa, Japan ta nuna son kai matuka, da rashin da’a wajen mika hadarin gurbacewar makamashin nukiliya ga duniya, tare da fifita muradunta sama da lafiyar dukkan daukacin bil Adama. Kuma a cewarsa Sin ta damu matuka kuma tana matukar adawa da wannan mataki, ta kuma gabatar da kokenta ga bangaren Japan.(Ibrahim)