Sin Ta Fitar Da Jerin Manyan Matakai Na Raya Yankunan Cinikayya Maras Shinge Na Kasar 

Ma’aikatar cinikayyar kasar Sin, ta fitar da jerin manyan matakai na raya yankunan cinikayya maras shinge dake kasar, wadanda za a aiwatar da su tsakanin shekarun 2023 zuwa 2025, a gabar da kasar ke bikin cika shekaru 10 da fara aiwatar da yankunan gwaji na cinikayya maras shinge.

A cewar ma’aikatar, yayin aiwatar da wadannan matakai, yankunan cinikayya maras shinge na kasar za su dora muhimmanci ga cimma nasara a manyan fannoni 164, tsakanin wa’adin shekarar 2023 zuwa 2025, cikin matakan kuwa har da kirkire kirkire a ayyukan manyan hukumomi, da masana’antu mafiya muhimmanci, da gina dandaloli, da kuma aiwatar da manyan ayyuka da shirye shirye.

Tun a shekarar 2013 ne dai kasar Sin ta kafa yankin cinikayya maras shinge na farko a birnin Shanghai, inda daga nan ne kuma yankunan suka rika karuwa zuwa 21. (Mai fassarawa: Saminu Alhassan)