Mai magana da yawun ma’aikatar harkokin wajen kasar Sin Mao Ning, ta ce bangaren Sin na fatan daukacin sassan masu ruwa da tsaki a jamhuriyar Nijar, za su hau teburin shawara domin warware sabani.
Yayin da take amsa tambaya game da halin da ake ciki yanzu haka a Nijar a Alhamis din nan, Mao Ning ta ce, “Muna zura ido kan abubuwan dake wakana a kasar, kuma mun saurari sanarwa daban daban da kungiyoyin AU da ECOWAS suka fitar.
A namu bangaren, Sin na kira ga sassan Nijar da su maida hankali ga kare moriyar kasa da al’ummar ta, kana su warware banbance-banbancen dake tsakanin su ta hanyar tattaunawa, da gaggauta maido da doka da oda, da kare yanayin zaman lafiya, da daidaito da ci gaban kasar.” (Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
