Sojoji Sun Ceto Mutum 18 Da Aka Yi Garkuwa Da Su A Arewa Maso Yamma

Jami’an rundunar soji da ke aiki a karkashin rundunar Hadarin Daji sun samu nasarar ceto mutane 18 da ‘yan bindiga suka yi garkuwa da su a jihohin Zamfara da Kebbi da Katsina da Sokoto.

Mutum Shida daga cikin wadanda aka ceto sun shafe tsawon makonni 10 a hannun masu garkuwan a jihar Zamfara.

• Dusa Muke Ci Muke Rayuwa Saboda Tsananin Rashin Tsaro – Mazauna Wani Yankin Zamfara

A wata sanarwar da Kaftin Yahaya Ibrahim ya fitar a ranar Lahadi a madadin ofishin yada labarai na rundunar, ya ce, sojojin sun ceto wwadanda aka yi garkuwa da su din ne a wurare daban-daban da ke jihar.

Kwamandan rundunar Hadarin Daji, Manjo Janar Godwin Muthut, wanda kuma shine kwamandan bataliya ta 8, ya jinjina wa kokarin sojojin wajen cimma wadannan nasarorin, ya horesu da su kara azama.

Godwin ya jinjina wa jama’a a bisa yadda suke samar musu da bayanai, sai ya nemi jama’a da su cigaba da taimaka musu da muhimman bayanai domin cigaba da dakile aikace-aikacen ‘yan bindigan.