Dakarun sojojin Nijeriya sun yi nasarar kashe ‘yan ta’adda 12 tare da kwato babura guda 10 a wani samame da suka kai a dajin jihar Zamfara.
Daraktan hulda da jama’a na rundunar, Manjo Janar Onyema Nwachukwu ya ce, sojojin a ranar Litinin 15 ga Afrilu, 2024, sun lalata sansanin ‘yan ta’adda a karamar hukumar Maru ta jihar Zamfara tare da kashe ‘yan ta’adda da dama a yayin artabun.
- Gwamnatin Katsina Ta Raba Wa Jami’an Tsaro Sabbin Motocin Yaki
- APC Ta Dakatar Da Ganduje Kan Zargin Cin Hanci Da Rashawa
Nwachukwu ya ce, “sojojin da ke aiki da sahihan bayanan sirri sun tarwatsa wani sansanin da ake zargin na ‘yan ta’adda ne a garin Maru.”
Ya kara da cewa, “sojojin sun kashe 12 daga cikin ‘yan ta’addan bayan wani kazamin artabu da ‘yan ta’addan wanda ya tilastawa wasu tserewa”.
