Tun a watan Disamban shekarar 2008 ne, kasar Sin ta fara aikewa da jiragen ruwan soja domin gudanar da aikin ba da kariya ga jiragen ruwan kasuwanci a mashigin tekun Aden da gabar tekun Somaliya.
A cikin shekaru 15 da suka gabata, tawagogi 45 dake kunshe da jiragen ruwan soja 150 da jami’an sojan ruwa na PLA dubu 35 da kasar Sin ta tura a jere, sun shiga wannan aiki, inda suka yiwa sama da jiragen ruwan kasuwanci na Sin da na kasashen waje 7,200 rakiya, ciki har da jiragen ruwa 12 masu sauke nauyin da shirin samar da abinci na duniya wato WFP ya yi musu.
- An Samu Karuwar Masu Rajistar Sabbin Sana’o’i A Kasar Sin
- An Yi Taron Harkokin Waje Na Kwamitin Kolin Jam’iyyar Kwaminis Ta Kasar Sin
Yunkurin sojojin ruwan PLA ya samu karbuwa sosai, inda jiragen ruwan ’yan kasuwa da dama daga wasu kasashe, suka nemi rakiya da ma kariya daga sojojin ruwan kasar Sin.
A cikin watan Satumban bana, tawaga ta 45 dake yiwa jiragen ruwa rakiya, ta tashi daga kasar Sin, inda ta fara tattaki don ci gaba da kokarin tabbatar da zaman lafiya a mashigin tekun Aden da gabar ruwan Somaliya. (Ibrahim Yaya)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
