Kungiyar Super Eagles ta Najeriya ta sauka daga matsayi na 39 zuwa na 40 a jadawalin da hukumar kwallon kafa ta duniya FIFA ta fitar, in ji Completesports.com.
An fitar da sabon jadawalin a ranar Alhamis, Satumba 21, 2022 akan shafin yanar gizon FIFA.
- Messi, Osimhen, Haaland Suna Cikin ‘Yan Wasan Da Ke Takarar “FIFA The Best”
- FIFA Ta Yi Barazanar Kin Haska Kofin Duniya Na Mata A Wasu Kasashen
Duk da doke Sao Tome da Principe da ci 6-0 a wasansu na karshe na neman gurbin shiga gasar AFCON ta 2023, sakamakon bai yi wani tasiri ba a wannan matsayi.
A Afirka, Eagles a halin yanzu tana matsayi na shida bayan Morocco (1st), Senegal (2nd), Tunisia (3rd), Algeria (4th) da Masar (5th).
Lesotho wadda za ta ziyarci Najeriya a wasanta na farko a gasar a watan Nuwamba, ta koma ta 152.
Haka kuma, Saudi Arabiya, wacce za ta buga wasan sada zumunta da Eagles a watan Oktoba, ta koma matsayi na 57.
Za a buga jadawalin FIFA/Coca-Cola na gaba a ranar 26 ga Oktoba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
