A halin da ake ciki dai al’ummar garin Mada da ke Qaramar Hukumar Bungudu ta jihar Zamfara sun fada cikin mawiyacin hali na rashin tsaro, wanda ya tilasta wa yawancinsu barin gari don tsira da rayukansu.
Bayanai sun yi nuni da cewa a ‘yan kwanakin nan hare-haren ta’addanci sun yawaita a garin, inda ake kashe mutane kullum.
Wakilinmu ya tuntubi wani mazaunin harin, inda ya bayyana cewa “lallai haka ne jama’a na ta barin gari, domin a halin da ake ciki kusan kashi 1 cikin 3 na al’ummar garin nan sun gudu.”
Haka kuma a safiyar yau Asabar wasu matasan garin sun yi wata zanga-zangar lumana don nuna kukansu game da mummunan halin da suke ciki, kodayake daga bisani jami’an tsaro sun tarwatsa su.
Mutumin, wanda ya nemi a sakaya sunansa ya yi kira ga gwamnatocin tarayya da ta jiha su agaza masu wajen ceton rayukansu da dukiyarsu tun kafin wadannan ‘yan ta’adda su karasar da su.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
