A ranar Asabar ne rundunar ‘yansanda Jihar Neja ta tabbatar da sace mutum biyu a kauyen Doma da ke karamar hukumar Lapai.
Jami’in watsa labarai na rundunar, DSP Wasiu Abiodun, ya bayyana haka ne a tattaunawarsa da manema labarai a garin Minna.
- Ta’addanci: Al’ummar Garin Mada Ta Jihar Zamfara Suna Barin Gari
- ‘Yan Sanda Sun Ceto Mahaifiyar Dan Takarar Sanatan Jigawa Da Aka Sace
DSP Abiodun ya kara da cewa, a ranar 22 ga watan Yuni ne masu garkuwa da mutane suka sace mutane a kauyen Duma da ke karamar hukumar Lapai a yayin da suke aikin a gonar su a dajin Rafin-Daji, ta Abaji.
”Yayin da ‘yansanda suka fatattake su, an yi bata-kashi inda daya daga cikin ‘yansintirin mu ya rasa ransa.
Ya ce, tawagar yansanda na cigaba da neman masu garkuwa don cafke su.
Ya kuma nemi al’umma yankin su kwantar da hankalinsu don yansanda na cigaba da tabbatar da doka da oda a yankin.
Ya kuma al’umma yankin su taimaka ta hanyar bayar da rahoton sirri ga jami’an tsaro don fatattakar masu aikata laifukka a jihar.
Daga nan ya ce su gaggauta kai rahoton duk wani da aka gani dauke da mummunar raynin bindiga don a dauki mataki a kansa.
