Ganawar da aka yi tsakanin Gwamnatin da da Ƙungiyar Ƙwadago ta game da batun janye tallafin mai ta tashi baran-baran ba tare da cimma wata matsaya ba.
Nasir Kabiru, Sakataren tsare-tsare na NLC ne ya tabbatar wa manema labarai hakan, inda ya ce kungiyarsu sam ba ta amince da tsare-tsaren da gwamnati ta yi ba game da janye tallafin na man fetur.
- China Ta Yi Alkawarin Ci Gaba Da Kulla Alakar Tattalin Arziki Da Nijeriya
- Za Mu Dauki Kwakkwaran Mataki Idan Gwamnati Ta Janye Tallafin Man Fetur —NLC
A cewarsa, bukatarsu ita ce a inganta sufuri a kuma yalwata rayuwar ma’aikata kafin a soma aiwatar da tsarin.
An dai shiga tattaunawar ce da misalin karfe 4 na yammacin yau Laraba a fadar shugaban kasa da ke Abuja.
Ganawar ta samu wakilai daga bangaren gwamnati da suka hada da Dele Alake, kakakin shugaba Bola Tinubu da kuma shugaban kamfanin mai na kasa (NNPC), Mele Kyari.
Sauran jami’an gwamnatin sun hada da Gwamnan Babban banki, Godwin Emefiele da tsohon gwamnan Jihar Edo, Adams Oshiomhole.
A nata bangaren, kungiyar kwadago ta samu wakilcin shugaban NLC, Joe Ajaero da shugaban TUC, Festus Osifo.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
