Shugaban kasa Bola Tinubu ya amince da nadin masu bada shawara da masu taimakawa 18 ga ofishin mataimakin shugaban kasa, Kashim Shettima domin taimakawa wajen cimma manufofin gwamnatin taraya a bangarori daban-daban na bunkasa tattalin arziki.
Tawagar da aka nadan sun hada da mashawarta 6 da masu taimakawa 12 da za su yi aiki a karkashin ofishin Shettima.
Wadanda aka nadan sun hada da: Rukaiya El-Rufai, Tope Kolade Fasua, Aliyu Modibbo Umar, Hakeem Baba Ahmed, Jumoke Oduwole da Sadiq Wanka.
Sauran sun hada da: Usman Mohammed, Kingsley Stanley Nkwocha da Ishaq Ahmed Ningi.
Kazalika akwai, Peju Adebajo, Mohammed Bulama, Kingsley Uzoma, Gimba Kakanda da kuma Temitola Adekunle-Johnson.
Daga cikin jerin Akwai Nasir Yammama, Zainab Yunusa, Mariam Temitope da Bashir Maidugu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
