Tinubu Ya Isa Saint Lucia Domin Ziyarar Aiki

Shugaba Bola Tinubu ya isa Vieux Fort, Saint Lucia, ranar Asabar da karfe 5.30 na yamma, a karon farko na ziyarar aiki a kasashen Caribbean da ke Kudancin Amurka.

Bayan isa filin jirgin sama na Hewanorra, Tinubu ya samu cikakkiyar karramawar soji tare da karramawa daga Gwamnan jihar na Saint Lucia, Cyril Errol Melchiades Charles, da Firaminista Philip J. Pierre.

• Kokarin Zamanantar Da Sin Da Afrika Na Kara Karfafa
• Kasar Sin Ta Sake Ware Yuan Miliyan 100 Domin Tallafawa Lardin Guizhou Dake Fama Da Ambaliya 

Shugaban “zai fara ziyarar aiki a kasar a yau Lahadi ta hanyar kai ziyarar ban girma ga Gwamna-Janar da Firaminista Philip Pierre,” in ji wata sanarwa da mai ba shi shawara na musamman kan yada labarai da dabaru, Bayo Onanuga ya sanyawa hannu kuma aka rabawa manema labarai.

Tinubu zai yi jawabi na musamman a wani zaman hadin gwiwa na Majalisar Dattawa ta Saint Lucia a ranar Litinin.

Sulaiman

+ postsBio

• Sulaiman

  Na Sayar Da ’Ya’yana, Na Sace Wasu 19 – Wata Da Ake Zargi Da Safarar Yara
• Sulaiman

  Hormuz: Iran Ta Kai Muggan Hare-hare Kan Sansanin Amurka A Jordan
• Sulaiman

  ASUU Ta Yi Barazanar Yajin Aiki A Jami’ar Jihar Sokoto
• Sulaiman

  PDP Ta Musanta Mara Wa APM Baya A Bauchi