Shugaban kasa, Bola Tinubu, ya mika sakon ta’aziyyarsa ga iyalan Marigayi Oba Yusuf Omokanye Oyekanmi, Elemona na Ilemona, na karamar hukumar Oyun ta Jihar Kwara.
Sakon ta’aziyyar na cikin wata sanarwa da mai magana da yawunsa, Ajuri Ngelale, ya fitar, ya ce rasuwar Oba Oyekanmi ta bar babban giɓi babba.
- Tinubu Ya Dawo Nijeriya Bayan Shafe Mako Guda A Turai
- Tinubu Ya Kaddamar Da Gangami Yakin Neman Ilimi
Shugaba Tinubu ya ce Sarkin ya rayu bisa sadaukarwa ga Ubangiji da rikon gaskiya da himma tare da hidima ga jama’a.
Shugaba Tinubu ya kuma jajantawa iyalai da masarautar, ciki har da mataimakinsa, Kanar Nurudeen Yusuf, inda ya bukaci da su raya gadon da marigayin ya bar musu na rayuwa kan gaskiya da rikon amana.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
