Tsohon Kakakin Sojoji, Janar Onyeuko Ya Kwanta Dama

Tsohon jami’in watsa labarai na rundunar sojin Nijeriya, Manjo Janar Bernard Onyeuko (mai ritaya), ya kwanta dama.

Wata majiya mai tushe ta shaida wa PRNigeria cewa ya mutu ne da safiyar ranar Asabar bayan da ya yi korafin cewa yana jin zazzabi kuma aka garzaya da shi zuwa wani asibiti mai zaman kansa daba bisani kuma rai ya yi halinsa.

• Makiyayi Ya Datse Hannun Manomi A Bauchi
• Matasa Ku Rungumi Sana’ar Noma Domin Magance Matsalar Yunwa – Gwamnan Neja

Janar Onyeuko, ya yi ritaya daga aikin soja ne bayan nadin baya-bayan nan na sabbin shugabannin hafsoshin tsaro, shi ne tsohon daraktan sashin yada labarai na shalkwatar tsaro.

Wani makusancin abokin mamacin, ya shaida wa PRNigeria cewa tsohon janar din yana cikin koshin lafiyarsa kafin ranar Juma’a da kuma wata gajeruwar rashin lafiya ta sameshi a ranar Asabar da safiya daga bisani kuma ya mutu.