Tsohon sakataren gwamnatin tarayya, Babachir Lawal da tsohon kakakin majalisar wakilai Rt. Hon. Yakubu Dogara, a ranar Asabar sun ziyarci gwamnan jihar Ribas, Nyesom Ezenwo Wike, a gidansa da ke Fatakwal.
Lawal da Dogara dai fitattun ‘ya’yan jam’iyyar APC ne, yayin da Wike kuma dan babbar Jam’iyyar adawa ta PDP ne.
- Kwankwaso Da Fayose Sun Ziyarci Wike A Fatakwal
- Gwamnonin APC Sun Kutsa Kai Jihar Ribas Suna Kokarin Farauto Wike Cikin Jam’iyyarsu
Ziyarar dai ta zo ne sa’o’i 24 bayan dukkansu sun yi jawabi a taron Kiristocin Arewacin Nijeriya da aka yi a Abuja, inda suka lashi takobin adawa da tikitin tsayawa takarar Musulmi da Musulmi na jam’iyyar APC mai mulki.
Sai dai da yake zantawa da manema labarai jim kadan bayan ganawar sirri da gwamnan jihar Ribas, shugabannin biyu sun ce sun kai ziyarar ne ta ‘yan uwantaka a wani bangare na shirin gina Nijeriya dunkulalliya.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
