Dan takarar shugaban kasa a jam’iyyar NNPP, Sanata Rabiu Musa Kwankwaso ya ziyarci gwamnan Jihar Ribas, Nyesom Wike a Fatakwal a ranar Juma’a.
Sai dai har ya zuwa babu wanda zai iya cewa ga dalilin ganawar tasu, watakila ziyarar ba za ta rasa nasaba da zaben 2023 da ke karatowa ba.
- Hajjin Bana: Saudiya Ta Hana Amfani Da Gas Din Girki A Lokacin Aikin Hajji
- Rahoton INEC Ya Nuna Machina Ne Dan Takarar Sanatan APC A Yobe Ta Arewa
Kazalika, yayin ziyarar an hangi tsohon gwamnan Jihar Ekiti, Ayodele Fayose.
Sauran ‘yan siyasa da ke neman takarar shugaban kasa, kamar Peter Obi na jam’iyyar Labour Party, shi ma ya ziyarci Wike a baya-bayan nan.
A ranar Alhamis, Wike ya karbi bakuncin shugaban marasa rinjaye na majalisar dattawa, Philip Aduda da wasu jiga-jigan jam’iyyar PDP, a garin na Fatakwal.
