Hukumar kula da ilimi da kimiya da al’adu ta Majalisar Dinkin Duniya (UNESCO) da kamfanin sadarwa na Huawei na kasar Sin, sun hada hannu wajen kai kayayyakin fasahar sadarwa na zamani (ICT) ga ma’aikatar ilmi ta kasar Habasha.
An ba da tallafin ne a matsayin wani bangare na hadin gwiwar UNESCO da Huawei a karkashin shirin ba da tallafin kayayyakin fasahar zamani ga makarantu (TeOSS), a cewar Huawei a cikin wata sanarwa da aka fitar ranar Alhamis.
- Sin Ta Gina Cibiyoyin Fasahar Aikin Gona Na Gwaji Guda 24 A Afirka
- 2027: PDP Ba Za Ta Tsayar Da Dan Arewa Takarar Shugaban Kasa Ba – George
A yayin bikin mika kayayyakin, ministan ilimi Ayelech Eshete ta yabawa UNESCO da Huawei bisa jajircewarsu wajen raya harkokin ilimi da kuma yadda suke bayyana raayoyinsu na samar wa alumma damar samun moriyar fasahar zamani.
Manufar shirin na TeOSS, shi ne samar da tsarin karatu ta hanyar fasahar zamani mai jure rikici ta yadda za a samu damar ci gaba da yin karatu a makarantu ko a gida a kowane irin hali na kwanciyar hankali ko na rikici, a cewar sanarwar. (Mai Fassarawa: Yahaya)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
