Zakaran wasan Tennis na Nijeriya, Aruna Quadri ya samu nasarar kare kambunsa a gasar cin kofin nahiyar Afirka ta ITTF na shekarar 2023 bayan ya doke Ahmed Saleh na Masar a wasan karshe da aka buga ranar Lahadi.
Aruna, wanda shi ne na daya a gasar, ya doke Saleh a karawar karshe da ci 4-0 mai gamsarwa inda ya rike kambun da ya lashe a bara a Algeria.
An bayyana ra’ayoyi iri-iri a kan nasarar Aruna a Tunis, bayan da ya rasa tikitin wasannin Olympics na Tokyo 2020 sakamakon raunin da ya samu.
“Na yi farin ciki da kambun saboda tun bayan da na ji rauni a lokacin neman cancantar wasannin Olympics na Tokyo 2020 nake kokarin ganin na sake farfadowa.
“Wannan nasara za ta kasance tare da ni na dogon lokaci. Ina farin ciki kuma ina fatan samun nasara a kalubale na gaba” in ji zakaran na Tennis dan Nijeriya.
