‘Yan Bindiga Sun Kashe Manomi A Nasarawa

Wasu ‘yan bindiga sun kashe wani manomi mai suna Solomon Yusuf a lokacin da yake halartar wani daurin aure a unguwar Rakpami da ke karamar hukumar Toto a jihar Nasarawa.

Sakataren kungiyar Gbagyi Cultural Renaissance Foundation a jihar, Musa Emmanuel-Dnasuwa ne ya bayyana hakan a wata sanarwa da ya fitar a Lafia babban birnin jihar a ranar Lahadi.

• Ban Bada Umarnin Rufe Majami’ar Fadar Shugaban Kasa Ba —Remi Tinubu
• Gwamnan Kebbi Ya Kori Hadiminsa Kan Wallafa Wani Sako A Kafafen Sada Zumunta

Dnasuwa ya yi kira ga shugaban karamar hukumar Toto Aliyu Abdullahi-Tashas da Gwamna Abdullahi Sule da su hada kai da jami’an tsaro wajen tabbatar da zaman lafiya a yankin.

Da aka tuntubi kakakin rundunar ‘yansandan jihar, DSP Ramhan Nansel, ya ce har yanzu rundunar ba ta samu bayani kan lamarin ba.