Wasu ‘yan bindiga sun yi garkuwa da daliban wata Tsangaya da ba a san adadinsu ba a Gidan Bakuso da ke karamar hukumar Gada a jihar Sokoto a ranar Asabar.
Rahotonni na cewa an sace daliban ne daga makarantarsu da misalin karfe daya na daren ranar Asabar.
Shugaban makarantar, Liman Abubakar, ya shaida wa wakilinmu cewa dalibai 15 ne ba a ji duriyarsu ba amma har yanzu suna kan kirga adadin daliban.
Abubakar, ‘yan bindigar sun mamaye garin ne da misalin karfe daya na dare, inda suka harbe mutum daya sannan suka yi awon gaba da wata mata.
