Wasu ‘yan bindiga sun yi garkuwa da matar shugaban kungiyar ma’aikatan kananan hukumomi ta kasa (NULGE) reshen jihar Zamfara, Sanusi Mohammed Gusau.
Matar mai suna Ramatu Yunusa, an ce tana da ciki wata tara a lokacin da aka sace ta daga gidan mijinta da ke unguwar Damba a Gusau, babban birnin jihar a safiyar ranar Talata.
- Majalisar Dokokin Zamfara Ta Amince Da Dokar Hukunta ‘Yan Bindiga Da Sauran Laifuffuka
- Dalilan Da Ya Sa Muka Halatta Sayen Bindiga Don Kare Kai —Gwamnatin Zamfara
A cewar mijin da ya zanta da manema labarai ya ce, ‘yan bindigar sun shiga gidansa da misalin karfe daya na daren ranar Talata inda suka yi awon gaba da matarsa mai ciki wadda a kowane lokaci zata iya haihuwa.
Gusau ya ce ya farka ne lokacin da ‘yan fashin suka tsallake shinge da nufin sace shi, amma kwatsam sai ya boye inda ba su gan shi ba.
Gusau ya ce, “Sun hauro ta katanga sun karya min kofa amma kafin su shiga dakina na buya a wani wuri.
“Lokacin da suka yi bincike a gidan ba su ganni ba, sai suka sace matata mai ciki mai suna Ramatu, za ta iya haihuwa ko da yaushe saboda lokacin da ake sa ran haihuwa a cikin wannan makon ne.”
Ya ce har yanzu barayin ba su tuntube shi ba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
