‘Yan Fashi Sun Yi Wa Aubameyang Sata A Gidansa

Rahotanni daga kasar Sipaniya sun bayyana cewa wasu ‘yan fashi da makami sun shiga gidan dan kwallon Barcelona, Pierre-Emerick Aubameyang da sanyin safiyar Litinin, sai dai tuni ‘yan sanda suka fara binciken lamarin da ya faru a garin Castelldefels, wanda yake dab da birnin Barcelona.

‘Yan sanda sun bayar da rahoton cewar ‘yan fashin sun balla kofar gidan, sannan suka shiga suka tarar da dan wasan, wanda suka yi wa barazana da shi da matarsa sannan sun tilasta wa dan wasan ya bude taskar da yake ajiye dukiya, inda suka sace sarkokin da ke ciki.

• Muna Zargin Masallatai Da Coci-coci Da Hannu A Satar Mai –Kyari
• Kasar Sin Ta Sake Bayyana Matsayinta Kan Rahoton Ofishin OHCHR Dangane Da Jihar Xinjiang

Sannan an bayar da rahoton cewar sun lakadawa dan wasan duka kafin su bar gidan amma tuni Barcelona ta fitar da jawabin cewar Aubameyang da matarsa suna cikin koshin lafiya, bayan fashi da makamin da aka yi musu.